Fast հիմնադրամի "Առաջ մղենք Հայաստանը" գալա միջոցառումը Լոս Անջելեսում

06 դեկտեմբերի, 2024

Ս․թ․ դեկտեմբերի 6-ին Լոս Անջելեսում կայացավ «FAST» հիմնադրամի «Առաջավոր Հայաստան» գալա միջոցառումը (Advanced Armenia Gala)։ Գալայի նպատակն էր դրամ հավաքել Հայաստանում 2023թ սեպտեմբերից FAST-ի կողմից գործարկված «Արհեստական բանականության սերունդ – Generation AI» նախաձեռնությանն աջակցելու համար։ Վերոնշյալ ծրագրի շնորհիվ Հայաստանի 15 դպրոցներում 350 աշակերտներ արդեն իսկ ավարտել են արհեստական բանականության ուսումնասիրությանն ուղղված ամենանորարական կրթական ծրագրի առաջին տարին։ Այս տարվա սեպտեմբերին շահառու աշակերտների այդ թվին ավելացել են տասնյակ նոր աշակերտներ, որոնց մասնակցությունն ապահովելու համար էր նաև այս դրամահավաքը։

Գալա երեկոյին մասնակցեցին FAST հիմնադրամի համահիմնադիրներ և հոգաբարձուների խորհրդի անդամներ Նուբար Աֆեյանը և Արթուր Ալավերդյանը, գործադիր տնօրեն Արմեն Օրուջյանը և այլոք։ Երեկոյին հրավիրված էր, և մասնակցեց նաև Լոս Անջելեսում ՀՀ գլխավոր հյուպատոս Կարեն Իսրայելյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր